HAMING KA KONFIRMUAR SE ËSHTË REGJISTRUAR BISEDA E SAMEDIN XHEZAIRIT | 17:35 | SËRNA
Berlin -- Kryetari i shërbimit federal gjerman të zbulimit, Auhist Haming ka konfirmuar të enjten për javoren gjermane "Cajt" se në mars të këtij viti është regjistruar biseda e islamistit të njohur Samedin Xhezairit, i njohur si “komandant Hoxha”, i cili ka bërë ftesë për dhunën kundër serbëve në Kosovë, por njëkohësisht ka vlerësuar se trazirat askush nuk ka mundur t’i parashohë. Përmbajtjet e bisedave i janë përcjellë Qendrës kombëtare gjermane të zbulimit në Prizren ku është vlerësuar se informatat nuk janë serioze.
[Dërgojeni komentin]    [Komentet ekzistuese (0)]

PRELEVIQ: TË GJITHË E KANË DITUR PËR ASGJËSIMIN E DOKUMENTEVE | 17:35 | B92
Beograd -- Bashkëministri i policisë në qeverinë kalimtare të Serbisë në vitin 2000 Bozho Preleviq ka kumtuar sot se midis 6 dhe 17 tetorit të atij viti masivisht është zhdukur dokumentacioni i Sigurimit Shtetëror. Preleviq ka thënë se për këtë kanë qenë të njoftuara të gjitha subjektet politike, por që pak kush ka mundur të bëjë diçka, sepse qeveria kalimtare  e Serbisë , anëtar i së cilës ka qenë, është formuar me 25 tetor. B92 gjatë javës së kaluar e ka publikuar lajmin se SSH në periudhën tetor-dhjetor të vitit 2000, vetëm në selinë e SSH i ka zhdukur gjithsej 11.490 dokumente. Preleviq u ka thënë gazetarëve gjatë pauzës së tubimit për korrupsion se ODS në atë periudhë nga forca mbështetëse e ka pasur vetëm presidentin e shtetit federal [Vojisllav Koshtunica],  por që ai nuk ka mundur të ndikojë në forcat mbështetëse në nivel republikan, që e kanë pasur njerëzit nga regjimi i Slobodan Milosheviqit, ka thënë Preleviq. Sipas fjalëve të tij, zhdukjen e dokumenteve e kanë dëshuariuar madje edhe disa nga ODS, por kjo më së shumti u është përgjigjur atyre ‘që kanë vrarë dhe janë pasuruar në kohën e Milosheviqit”. Gjithashtu Preleviq ka thënë se detyra e parë e ish-strukturave të Milosheviqit ka qenë që të infiltrohen në ODS dhe të shkaktojnë përçarje midis ODS dhe PDS.
[Dërgojeni komentin]    [Komentet ekzistuese (0)]