JANË INFEKTUAR KATËR MIJË NJERËZ? | 15:16 | Beta
Sarajevë -- Vdekja e vajzës 21 vjeçare nga Ukrajina, Olena Popik  përsëri për një kohë të shkurtër i ka bashkuar të gjitha ish-republikat. Kësaj here nga frika nga sida dhe ballafaqimi me problemin e tregtisë me njerëz. Vajza, e cila “është shitur” gati në të gjitha ish-republikat jugosllave, ka vdekur në fillim të nëntorit në Mostar. Ka qenë e infektuar me sidë, tuberkulozë, sifilis dhe hepatitis C.  Vajza e varfër nga Ukrajina e ka braktisur vendlindjen në vitin 2002 për të gjetur punë më mirë të paguar, dhe e ka lënë pas vetes vajzën tri vjeçe. Siç është mësuar nga hetimi i policisë së BeH, ajo ka qenë edhe në Slloveni, pastaj në Serbi dhe në Mal të Zi, Kroaci dhe në fund në BeH. Pas qëndrimit prej 6 muajve në SMZ, “është shitur” në BeH ku me taksi ka hyrë përmes kalimit kufitar te Bijelina. Nga pranvera deri në mars makrotë e “kanë stërshitur” dhe “e kanë dhuruar” në mbarë BeH. Ka qenë në Zenicë, Tuzël,  Travnik, Kiselak, Sarajevë dhe në fund në Mostar.

Ministria e Shëndetësisë i ka ftuar të gjithë personat të cilët kanë pasur kontakt me vajzën që sa më parë të paraqiten në disa numra të telefonave të cilët janë hapur pas vdekjes së saj. Shtypi ka njohtuar se ndoshta edhe katër mijë njerëz janë infektuar në kontakt me të. Pas vdekjes së vajzës, policia e ka arrestuar Xhenan Goliqin nga Mostari, hotelierin Milan Galiqin dhe Admir Mustapiqin të cilët janë të dyshuar për tregti me njerëz, qëndrim si ndaj robi dhe detyrim për prostitucion. Policia dyshon se Goliqi dhe Mustapiqi vajzën rëndë të sëmurë, kur më nuk kanë pasur dobi prej saj, e kanë lënë në Spitalin e Mostarit, ku edhe ka vdekur. Sipas njohurive të hetimit, ata e kanë mbajtur të zënë robër në një lagje të Mostarit dhe për çdo ditë ia kanë sjellë prej tetë deri në dhjetë kientë, në mesin e të cilëve ka pasur edhe djelmosha.
[Dërgojeni komentin]    [Komentet ekzistuese (0)]