ALTMAN: VARIANTI MË REAL “UNIONI TRESH” SERBIA, MALI I ZI DHE KOSOVA | 01:05 | B92
Beograd -- Dr Franc-Lotar Altman gjerman, shef i grupit hulumtues për Ballkanin Perëndimor në Institutin për politikë ndërkombëtare dhe siguri nga Berlini, dhe një nga ekspertët për Ballkan mendimi i të cilit respektohet edhe në qarqet profesionale dhe politike, për të përditshmen “Politika” të Beogradit për zgjidhjen më reale të “nyjes së Kosovës” është shprehur: “Sipas vlerësimit tim, varianti më real është “unioni tresh” i  Serbisë, Malit të Zi dhe Kosovës, bashkë me obsionin që secila prej tyre mundet, më vonë, të dalë nga një bashkësi e këtillë. Edhe kjo, pra është një lloj i zgjidhjes së përkohshme, mirëpo kjo e bën të mundur që në ndërkohë të sigurohet siguria personale e serbëve dhe e popullsisë tjetër joshqiptare, pronat e tyre dhe trashëgimia kulturore në Kosovë, të përforcohet decentralizimi (përkatësisht kompetencat të përcillen në pushtetin lokal) dhe, më në fund, të gjallërohen veprimtaritë ekonomike dhe të fillojnë reformat socialo-ekonomike, pa të cilat, të kemi të qartë, nuk do të munden të arrihen standardet e kërkuaras”.
[Dërgojeni komentin]    [Komentet ekzistuese (0)]

PETERSEN PËR STATUSIN PËRFUNDIMTAR TË KOSOVËS | 21:57 | Beta
Beograd -- Në verë të vitit 2005 Bashkësia ndërkombëtare do të vlerësojë a është arritur mjaft përparim që të fillojnë bisedat për statusin e Kosovës, ka paralajmëruar shefi i UNMIK-ut, Seren Jesen Petersen në intervistën për mujoren CorD, e cila në gjuhën anglishte botohet në Beograd.

“Vetëm deri para disa muajsh çështja e statusit nuk ka qenë në radhë të ditës së administratës në Kosovë.  Ky ka qenë problem i madh. Mungesa  e qëllimit përfundimtar i ka bërë bisedat për statusin për paraardhësit e mi mjaft të rënda”, ka vlerësuar shefi i UNMIK-ut. 'Unë jam plotësisht i bindur”, ka theksuar Petersen, “se zgjidhja e statusit përfundimtar dhe shkuarja ndaj një drejtimi të sigurt nuk është vetëm në interes të Kosovës, por edhe të Serbisë, Malit të Zi dhe të tërë rajonit”. “Sigurimi i statusit të Kosovës do t”ia lejojë Kosovës, por jo edhe vetëm kësaj, që të dalë nga kjo situatë mjaft e rëndë ekonomike dhe sociale”, ka parashikuar shefi i UNMIK-ut.

“Mendoj se zgjidhja e statusit përfundimtar”, ka theksuar Petersen “do t”ia mundësojë Beogradit që të përqendrohet në përparësitë e veta ekonomike dhe shoqërore”. “Unë mendoj se është mjaft me rëndësi që bisedat për statusin prëfundimtar të jenë tani në radhë të ditës, por ne shumë qartë kemi rënë dakord se si do të zhvillohen bisedat për statusin”, ka thënë Peterseni.
[Dërgojeni komentin]    [Komentet ekzistuese (0)]

PATRIARKU PAVLE E KA PRANUAR DRASHKOVIQIN | 21:56 | Tanjug
Beograd -- Patriarku Pavle e ka pranuar sot ministrin e Punëve të Jashtme të SMZ, Vuk Drashkoviqin, është kumtuar nga kabineti i ministrit. Drashkoviq e ka njohtuar patriarkun me aktivitete diplomatike për mbrojtjen e popullit serb në Kosovë dhe për ruajtjen e saj në kornizën shtetërore të SMZ në pajtim me Kartën e KB dhe me Rezolutën 1244 të KS, thuhet në kumtesë.
[Dërgojeni komentin]    [Komentet ekzistuese (0)]

VUKOVIQ: TË ZVOGËLOHEN KOMPETENCAT E SMZ | 17:39 -> 21:17 | B92
Podgoricë -- Funksionari i Partisë Demokratike të Socialistëave, Miodrag Vukoviq ka thënë që kompetencat e politikës së jashtme të SMZ duhet të zvogëlohen. Vukoviq ka thënë që është e nevojshme që edhe Serbia ta formojë MPJ të vet. “Në kompetenca të ministrit të Punëve të Jashtme të SMZ, Vuk Drashkoviqi duhet të mbetet vetëm bashkëpunimi me Hagën dhe obligimet ndaj institucioneve tjera ndërkombëtare”, ka thënë Vukoviq  për “Veçernje novosti”. Ai ka thënë që ekzistimi i Ministrisë së SMZ për marrëdhënie ekonomike me botën e jashtme dhe i Ministrisë së SMZ për punë të brendshme ekonomike e humb çdo kuptim sepse për tetë muaj Mali i Zi do ta rrumbullakësojë statusin e vet shtetëroro-juridik. "A do të jetë ajo ndarje me marrëveshje me Serbinë ose përmes referendumit, ky është problemi më i vogël”, ka thënë Vukoviq.
[Dërgojeni komentin]    [Komentet ekzistuese (0)]

NOVICKI: POPULL PA TË DREJTA DHE SHTËPI | 17:37 -> 21:17 | SËRNA
Prishtinë -- Avokati i popullit për Kosovën ka pohuar se romët e Kosovës më se katër vjet po qëndrojnë në kampet e refugjatëve në veri të Kosovës. Marek Antoni Novicki ka paralajmëruar se me mijëra romë jetojnë në vendbanime të improvizuara, në të gjitha kushtet kohore. “Vetëm uji i rrjedhshëm në këto kampe vjen nga ventilët e prishur”, pohon Novicki, bëri të ditur "Koha ditore".
[Dërgojeni komentin]    [Komentet ekzistuese (0)]

KRYEBASHKIAKU I MOSKËS E KA MBËSHTETUR PAVARËSINË E MALIT TË ZI | 17:38 | B92
Beograd -- Kryebashkiaku i Moskës, Jurij Luzkov është përpjekur të enjten në Podgoricë për pavarësinë shtetërore të Malit të Zi. Ne i mbështetsim përpjeket e Malit të Zi për pavarësinë dhe në këtë kontekst e çmojmë rëndësinë e bashkëpunimit ekonomik i cili ekziston midis Malit të Zi dhe Moskës”, ka deklaruar Luzkov pas bisedave me kryeministrin malazez, Milo Gjukanoviq.
[Dërgojeni komentin]    [Komentet ekzistuese (0)]

NË NJUJORK ËSHTË DASHUR TË SHKOJË DIKUSH NGA NIVELI MË I LARTË | 17:38 | B92
Beograd -- Jovan Simiq, këshilltar i presidentit të republikës Boris Tadiqit, ka thënë për ‘Veçernje novosti” të Beogradit se në seancën e KS është shprehur pakënaqësi meqë si përfaqësues i SMZ ka shkuar ministri i qeverisë republikane serbe Zoran Lonçar, “si dhe që është vlerësuar se ai me deklaratën është përpjekur të dëshmojë, por pa mbështetje”. “Nëse kemi vepruar si Bashkësi shtetërore është dashur të shkojë dikush nga ai nivel, të themi ministri i Punëve të Jashtme Vuk Drashkoviq. Kështu, kur ka shkuar ministri i qeverisë republikane, tërë rrëfimi është fokusuar në Serbinë”, konsideron Simiqi.
[Dërgojeni komentin]    [Komentet ekzistuese (0)]

SIMIQ: UNË JAM DUKE U PËRPJEKUR TË MËSOJ SE KU ËSHTË NDALUR PROCESI I PROCEDIMIT | 17:36 | B92
Beograd -- U emisionin “Kazhipërst” në Radio B 92 Jovan Simiq këshilltar i presidentit serb, Boris Tadiqit për bashkëpunim me Gjykatën e Hagës, ka thënë se katër gjeneralët (Pavkoviqin, Lazareviqin, Lukiqin dhe Gjorgjeviqin) aktakuza i rëndon për krime të ndryshme që kanë bërë vartësit e tyre në Kosovë: dhunime, vrasje, plaçkitje, përndjekje. Simiqi ka bërë pyetje: “ A ka dëshmi se ata njerëz e kanë ditur, se kanë mundur të dinë dhe a kanë ndërmarrë diçka kur kanë dëgjuar?  Unë e di me siguri, se rreth 800 e më shumë denoncime penale i ka paraqitur policia kundër autorëve të drejtpërdrejtë për krimet në Kosovë ndaj civilëve... Për krime ndaj civilëve. Domethënë, nuk po flitet për luftën. Nuk ekziston asnjë aktakuzë në Hagë se dikush është akuzuar për shkak se në luftë e ka vrarë dikë. Këto janë të gjitha krime ndaj civilëve...''I pyetur nga gazetari pse kjo nuk është proceduar në Serbi, Simiq është përgjigjur: “Po, është proceduar. Është proceduar, por diku është ndalur. Unë tani jam duke bërë përpjekje që të mësoj se ku është ndalur... Shikojeni Prokurorinë... Pushteti, kushdo që të jetë. A ka qenë ai ministër i policisë, a ka qenë ai ministër i drejtësisë, a ka qenë ai kryeministri, unë këtë nuk e di. Me rëndësi është që, ai mataerial diku gjendet, askush nuk ka arritur ta gjejë. Nga ana tjetër, kur i kemi në Prokurorinë e veçantë për krime të luftës rastet ku bëhet fjalë për 46 gra dhe fëmijë të vrarë, të therrur, me koka të prera. Unë për momentin nuk i di hollësirat e sakta. Këtë askush nuk e ka proceduar. Kurse ju tani pritni të them: jo, nuk ka pasur krime, ose të mos kufizohem nga ai krim, ose të them: Nuk ka gjë, unë këtë nuk do ta gjykoj. Kjo duhet të gjykohet. Ata janë civilë, pa e marrë parasysh cilët janë. Edhe për civilët gjithnjë është fjala në aktakuza, e jo për veprimet e luftës – mbrojtjen e karakterit serb në Kosovë dhe ku të di unë për çka -  por a ka dhunuar apo jo dikush, a ka vrarë apo jo dikush. E shihni se si është përmendur ky rrëfim: janë dhunuar tetë gra dhe janë hedhur në pus. Është pyetje a është kjo e vërtetë, siç është rasti i ‘Raçakut’, por duhet ta hulumtojmë, e do të shohim a është e saktë apo jo. Nëse është e saktë, ata janë kriminelë të zakonshëm. Ata nuk janë heronjë të popullit për liri. Kur dikush e vret gruan dhe fëmijën, për mua është kriminel. Kjo madje nuk bën pjesë as në krim të luftës, përveç nëse nuk ka qenë në kontekst luftarak. Për këtë që tani po flas unë, pak e kam zgjeruar, kjo ka qenë pas luftës dhe kjo nuk mundet të hyjë në krim të luftës. Nëse këtë e ka bërë dikush gjatë luftës, atëherë ky, në fakt, ka përgjegjësi më të madhe, prandaj edhe quhet krim i luftës. Edhe ne,  në vend që ta hulumtojmë këtë, drejtpërsëdrejti, ne flasim: kjo është për shkak se ne kemi luftuar për pavarësi ose të mbetet Kosova. Nuk është e saktë. Ne jemi të akuzuar për shkak se atje disa njerëz kanë bërë gjithçka.”
[Dërgojeni komentin]    [Komentet ekzistuese (0)]

DRASHKOVIQ: NUK JEMI LARG NGA ZGJEDHJET E JASHTËZAKONSHME PARLAMENTARE | 17:35 | FoNet
Beograd -- Në intervistën për javoren “Vreme”, të Beogradit, ministri i Punëve të Jashtme të SMZ dhe udhëheqësi i LRS, Vuk Drashkoviq ka vlerësuar se të akuzuarit e Hagës në Serbi po shpallen për heronj të popullit. “Secili prej tyre, duke përfshirë edhe vrasësit serikë, këtu në shtet, i kanë disa unaza të sigurimit, përkatësisht financimin politik, propagandues, ushtarak, policor dhe fizik. Njëmend është e palogjikshme dhe e rrezikshme që tërë popullin ta shndërrosh, jo vetëm në pengje të të akuzuarëve për krime të luftës, por edhe në dikë që me admirim i mbron”, ka thënë Drashkoviqi. Sipas mendimit të tij, Serbia nuk është larg nga zgjedhjet e jashtëzakonshme dhe parlamentare. "Kurdoherë që të mbahen, zgjedhjet do të duhej të kenë karakter të referendumit, sepse do të jenë rasti i fundit për Serbinë, që të mbushet mend dhe niset shumë më shpejt nga Brukseli, se sa që është duke shkuar treni për Bruksel i cili na ka ikur. Duhet ta zëmë për të hyrë në të".
[Dërgojeni komentin]    [Komentet ekzistuese (0)]

NGA SHQIPTARËT TRAKTORËT JANË MARRË SIPAS URDHRIT TË GJENERALIT GJORGJEVIQIT | 17:35 | B92
Vranjë -- Siç njofton agjencia Vranje Press, procesi gjyqësor shumëvjeçar i cili sipas padisë private penale të ish-shefit të policisë së Vranjës, Stojan Stojmenoviqit kundër deputetit të deri para pakohshëm republikan të PD nga Vranja, Dragan Janjiqit, në seancën kryesore të fundit (më 17 nëntor) ka marrë një dimension të ri, çka mund të shkaktojë hetime të përfaqësuesve të Gjykatës Ndërkombëtare për krime të luftës të bëra në ish-RSFJ nga Haga. Stojan Stojmenoviq ka dëshmuar se shqiptarët duke ikur nga Kosova në Maqedoni i kanë lënë në kufi makinat bujqësore kryesisht traktorët pasiqë nuk kanë pasur mundësi që ta kalojnë kufirin me ta. Sipas fjalëve të tij të gjitha makinat janë deponuar në ndërmarrjen “Poloprodukt” (rreth 200 traktorë atëherë janë sjellë nga Kosova në Vranjë), por kur e kam parë se nuk ekziston mundësia që ata fizikisht të ruhen në një vend në bashkëpunim me MPB kam vendosur që makinat të shpërndahen nëpër ndërmarrje shoqërore dhe të ruhen me kujdes. Stojmenoviq në seancën kryesore ka deklaruar se aksioni i grumbullimit të traktorëve është bërë me udhëheqësinë e MPB të Serbisë ku udhëheqës i dikasterit për Siguri publike ka qenë gjenerali Vlastimir Gjorgjeviq, dhe për çdo gjë është informuar edhe Dragan Iliqi i cili në atë kohë ka qenë në funksion të shefit për kriminalitet i MPB të Serbisë. Deri më tani nuk ka pasur reagime, të shqiptarëve, as informata se a u janë kthyer traktorët të cilët u janë marrë, kështu që shumë gjëra do të sqarohen në vazhdim të gjykimit më 27 dhejtor kur Janjiqi do të paraqesë dëshmi të reja se si dhe kujt i janë ndarë traktorët të cilët kanë qenë në pronësi të shqiptarëve të Kosovës.
[Dërgojeni komentin]    [Komentet ekzistuese (0)]